17 мар 19:06
Янгиликлар
Спорт курашлари
Икки эркин курашчимиз Махачқалъада машғулот ўтказяпти
Шу кунларда эркин кураш бўйича Ўзбекистон терма жамоасининг икки етакчи аъзоси Махачқалъа шаҳрида ўқув-машғулот йиғинида иштирок этяпти.
Аниқроғи, яқинда Ҳиндистоннинг Нью-Дели шаҳрида ўтган Осиё чемпионати ғолиби Иляс Бекбулатов (-65 кг) ҳамда Жавраил Шапиев (-86 кг) доғистонлик курашчилар билан биргаликда машғулот ўтказмоқда.
Хабарингиз бор, бутун дунёда тарқалиб бораётган ва "аср вабоси" сифатида қаралаётган коронавирус сабаб мамлакатимизда барча оммавий тадбирлар, хусусан спорт мусобақалари ҳамда машғулотлар бекор қилинган. Шапиев ва Бекбулатов спорт формаларини ушлаб туриш мақсадида Махачқалъадаги йиғинда қатнашяпти.
Эслатиб ўтамиз, ҳозирча Токио Олимпиадасининг Осиё қитъаси мамлакатлари учун лицензион мусобақаси қачон ва қаерда ўтказилиши маълум эмас.
Ҳавола :
Манба : olamsport.com
Фикрлар