21 июл 08:48
Янгиликлар

Спорт курашлари

Икки эркин курашчимиз олтин, яна бири бронза учун гиламга чиқади + ФОТО

Венгрия пойтахти Будапешт шаҳри ўсмирлар ўртасида эркин, юнон-рум ва аёллар кураши бўйича жаҳон чемпионатига мезбонлик қилмоқда.

Ушбу нуфузли мусобақада Ўзбекистон терма жамоаси курашчилари ҳар уччала йўналишда юртимиз шарафини ҳимоя қиляптилар. Бугун аёллар кураши баҳслари старт олса, эркин курашчилар аксинча, ўз иштирокларини якунлашади.

Кечаги саралаш беллашувларида Латиф Халимов ва Асрор Хўжамуродов мураббийлигидаги эркин курашчиларимиздан уч нафари жаҳон чемпионатининг медаллари учун гиламга чиқиш имкониятини қўлга киритишди.

Бугун жаҳон чемпионатининг ҳал қилувчи финал беллашувида Нодирбек Жуманазаров (51 кг) эронлик, Камронбек Қадамов (60 кг) эса ҳиндистонлик рақибига қарши гиламга чиқади. Умиджон Искандаров (45 кг) эса бронза медали учун озарбайжонлик спортчига қарши курашади. 110 кг вазнда юртимиз шарафини ҳимоя қилган Айназар Базарбаев бронза медали учун бўлиб ўтган баҳсда ютқазиб қўйди.