Икки ҳафтадан кейин Чимаев ва Бёрнс ўртасида реванш ўтказилади + ПОСТЕР

Уларнинг "жанги" АҚШнинг Майами шаҳрида бўлиб ўтадиган RAF 13 турнирининг co-main event беллашувига айланади. Жанг эркин кураш қоидалари асосида оралиқ вазн тоифасида ўтказилади. Чимаев ва Бёрнс 2022 йил UFC 273 турнирида октагонда тўқнаш келишган эди. Ўшанда россиялик спортчи ҳакамларнинг якдил қарори билан ғалаба қозонганди. 

Чимаев учун бу тўрт ой ичида RAF гиламига учинчи чиқиши бўлади. Июнь ойида у RAF 10 турнирида Диллон Денисни мағлуб этган бўлса, шу шанба куни Москвада бўлиб ўтадиган RAF турнирининг асосий жангида UFC собиқ чемпиони Тайрон Вудлига қарши баҳс олиб боради. Чимаев май ойида UFC`даги сўнгги жангида Шон Стриклендга имкониятни бой бериб, ўрта вазн чемпионлик камарини йўқотган эди.

Бёрнс эса апрель ойида UFC Winnipeg турнирида Майк Малоттдан учралган мағлубиятдан сўнг ММАдаги фаолиятини якунлаганди. Бразилиялик жангчи грепплинг бўйича мусобақаларда иштирок этишда давом этишини маълум қилган. Гилберт учун бу RAF`даги дебют бўлади.

RAF 13 турнирининг асосий воқеаси сифатида крузер вазн тоифасидаги чемпионлик камари учун Колби Ковингтон ва Белал Муҳаммад ўртасидаги жанг белгиланган.