Икки карра Олимпия ўйинлари совриндори Евгения Медведева Ўзбекистон терма жамоаси аъзоси Дмитрий Чигирев билан муносабатлари ҳақида гапирди

"Биз яқин вақтдан буён бирга эмасмиз. Шунақа воқеалар содир бўлади-ки, инсонлар энди бир йўлда эмаслигини тушунади. Ҳеч қандай жанжал бўлмади, фақат икки адекват катта инсон гаплашиб, нимадир қилиш кераклигини тушунди. Биз ажралишга қарор қилдик. Деярли икки йил давомида учрашдик.

Муносабатларимизда жуда кўп севги, жуда кўп ўзаро тушуниш бор эди. Дмитрийнинг спорт фуқаролигини ўзгартиришига аралашмадим", деди Медведева.

Жуфтлик йўналишидаги мусобақаларда иштирок этувчи Дмитрий Чигирев 1-2 ноябрь кунлари Франциянинг Анже шаҳрида бўлиб ўтган Гран-при босқичида шериги Екатерина Гейниш билан биргаликда олтинчи натижани қайд этган эди.