Икки курашчимиз кечки дастурда Олимпиада лицензияси учун курашади, қолганлар эса...

Бугун мусобақанинг илк куни эркин кураш бўйича беллашувлар ташкил этилмоқда. Бироз аввал саралаш баҳслари якунланиб, 1/2 финалда Олимпиада лицензияси учун гиламга чиқадиган курашчилар номи маълум бўлди. Улар орасида икки эркин курашчимиз - Токио-2020 Олимпиадаси совриндори Бекзод Абдураҳмонов ҳамда олимпия ўйинлари иштирокчиси Ғуломжон Абдуллаев (57 кг) ҳам бор. 

Ярим финалда ғалаба қозонган курашчилар Париж-2024 Олимпиадаси лицензиясини қўлга киритади. Ушбу беллашувлар бизнинг вақт билан соат 17:00да бошланади. Афсуски, қолган курашчиларимиз Ҳасанбой Раҳимов (125 кг), Умиджон Жалолов (-65 кг) ва энг тажрибали курашчимиз Магомед Ибрагимов (-97 кг) мағлубиятга учраб, бу имкониятдан маҳрум бўлишди. 

Лицензион турнир. 1/2 финал жуфликлари 

57 кг вазн тоифаси

Бекзат Алмаз уулу (Қирғиз Республикаси) - Мунх-Эрдэнэ Батхуяг (Мўғулистон)

Ғуломжон АБДУЛЛАЕВ (Ўзбекистон) - Аман Аман (Ҳиндистон) 

74 кг вазн тоифаси

Бекзод АБДУРАҲМОНОВ (Ўзбекистон) - Орозобек Токтомамбетов (Қирғиз Республикаси)

Нуркожа Кайпанов (Қозоғистон) - Юнес Эмами (Эрон)