Икки муайтайчимиз Германияда Жаҳон кубоги соҳиби бўлди

Нуфузли мусобақада ўзбекистонлик тайбокс усталари ҳам муносиб тарзда иштирок этди. -64 кг вазн тоифасида рингга чиққан Мавлуд Тифлиев барча рақибларини мағлубиятга учратиб, Жаҳон кубоги соҳибига айланди. У ҳал қилувчи финал жангида мезбонлар вакилидан устун келди.

-71 кг вазнда юртимиз шарафини ҳимоя қилган Бобур Тагиев ҳам мусобақа ғолибига айланди. Тагиев финал беллашувида россиялик Арби Эмиевга қарши жанг ўтказди. Реванш мақомидаги ушбу жангда Бобур ғалабага эришди. Бугун Ислом Каримов номидаги Тошкент халқаро аэропортида спортчиларимизни тантанали кутиб олиш маросими бўлиб ўтди.