Икки теннисчимиз Қозоғистондаги турнирни муваффақиятли бошлади

Мусобақада теннисчиларимиз Сергей Фомин, Марк Трякшин ва Жўрабек Каримов иштирок этишмоқда. 

Бугун Сергей Фомин турнирнинг 1/16 финал босқичи доирасида мезбон теннисчи Зангер Алмашевга қарши ўйин ўтказди. 1 соату 12 дақиқа давом этган учрашувда Фомин 6/1, 6/2 ҳисобида ғалаба қозониб, кейинги босқичга чиқди. Эртага Фомин 1/8 финалда россиялик Андрей Чепелев билан баҳс олиб боради.

Шунингдек, бугун Марк Трякшин ҳам қозоғистонлик Арсланбек Айткуловга қарши кортга чиқди.1 соату 9 дақиқа давом этган ўйинда теннисчимиз рақибини 6/3, 6/1 ҳисобида мағлубиятга учратиб, 1/8 финал босқичига йўл олди. 

Эртага Трякшин италиялик Федерико Бертуччиолига қарши ўйин ўтказади. Айнан Бердутччиоли 1/16 финал босқичида бошқа бир теннисчимиз Жўрабек Каримовни 6/3, 6/2 ҳисобида мағлубиятга учратди.