07 сен 11:45
Янгиликлар

Бокс/ММА

Икки вазнда собиқ KSW чемпиони UFC билан шартнома имзолади, унинг рақиби маълум + ПОСТЕР

Ярим ўрта ва ўрта вазн тоифаларида Konfrontacja Sztuk Walki (KSW) собиқ чемпиони, хорватиялик Роберто Солдич UFC билан шартнома имзолади.

Бу ҳақда Шимолий Америка ташкилоти матбуот хизмати хабар берди.

Роберто дебют жангида америкалик Хаос Уильямс (16-5, 9 КО/ТКО)га қарши октагонга кўтарилади. Уларнинг ярим ўрта вазн тоифасидаги жанги 3 октябрь куни Солт-Лейк-Сити (Юта штати, АҚШ) шаҳрида ташкил этиладиган UFC 332 турнири доирасида ўтказилади.

Хорватиялик жангчи ўзининг профессионал рекордида 21 та ғалаба (18 таси муддатидан аввал қўлга киритилган), тўртта мағлубиятга эга, яна бир жанг эса ўтказилмаган деб топилган. Роберто Солдич профессионал фаолиятидаги илк жангини 2014 йилнинг 19 сентябрида ўтказган.