12 июн 08:54
Янгиликлар

Бокс/ММА

Икки вазнда UFC чемпиони: Мен UFCнинг янги юзиман, Конор эмас!

Икки вазн тоифасида UFC чемпиони Генри Сехудо Мораес устидан қозонилган ғалабадан сўнг промоушен президенти Дана Уайтга мурожаат қилди.

Эркин кураш бўйича Олимпиада чемпиони бўлган америкалик спортчи UFC президенти Дана Уайтдан ўзи учун ваъада қилинган пулни беришини сўради.

“Менинг кейинги жангим Дана Уайт билан унинг чек дафтарчаси билан бўлади. Мен Дана ва UFC билан яхши муносабатда бўлиб қолишни истайман. Улар ҳақида ёмон фикр билдиришдан ўзимни тияман. Фақат энди Уайт ҳам менга нисбатан муносабатини ўзгартириши керак.

Энди мен аввалги Сехудо эмасман. Мен UFCга миқдорда фойда келтира бошладим. Шундай экан, Уайт ҳам энди менга пул тўлаш тизимини ўзгартириши керак. Хизматга яраша рағбат бўлиши шарт. Уайт жанг олдидан менга ғалаба қозонсанг, сўраган нарсангни оласан, деганди. Мен вазифани бажардим. Энди мен UFC юлдузиман, Конор Макгрегор эмас”, - деди Сехудо.