Икки юнон-рум курашчимиз жаҳон чемпионати финалида!

Дунё биринчилигининг иккинчи куни юнон-кураши бўйича беллашувлар давом эттирилди. Биз учун аҳамиятлиси, кеча курашга киришган уч классигимиздан икки нафари финалгача барча рақибларини енгиб, жаҳон чемпионлиги учун гиламга чиқиш имкониятини қўлга киритишди. 

45 кг вазнда курашаётган Шаҳзод Рўзиохунов 1/4 финалда озарбайжонлик Ҳусейн Савадовни 11-3, 1/2 финалда руминиялик Ионут Мереутани 9-0 ҳисобида доғда қолдирди. Бугун у олтин медаль учун беллашувда украиналик Евген Поковбага қарши гиламга чиқади. 

51 кг вазн тоифасида юртимиз шарафини ҳимоя қилаётган Айтжан Халмаханов 1/8 финалда Амаре Фетене (Исроил) 4-1, 1/4 финалда Вадат Гасимли (Озарбайжон) 12-4, 1/2 финалда эса Анри Хозреванидзе (Грузия) устидан 8-0 ҳисобида устун келди. Унинг бугун жаҳон чемпионлиги учун кечадиган финал учрашувидаги рақиби Муҳаммадризо Голами (Эрон) бўлади.   

Афсуски, 71 кг вазндаги терма жамоамиз аъзоси Амиршоҳ Ваҳобов 1/16 финалда украиналик Максим Радикка имкониятни бой (0-9) бериб қўйди.