26 июл 23:10
Янгиликлар

Спорт курашлари

Икки юнон-рум курашчимиз жаҳон чемпионати совриндори

Италия пойтахти Рим шаҳрида эркин, юнон-рум ва аёллар кураши бўйича ўсмирлар (U 17) ўртасидаги жаҳон чемпионати давом этмоқда.

Бугун мусобақанинг иккинчи кунги беллашувларида юнон-рум кураши бўйича дастлабки медаллар жамланмаси ўз эгаларини топди. Дунё биринчилигининг биринчи куни Ўзбекистон юнон-рум кураши терма жамоасининг икки вакили медаллар учун курашга киришганди.

Бугун улар терма жамоамизга иккита бронза медалини тақдим этишди. 55 кг вазнда юртимиз шарафини ҳимоя қилган Хуршидбек Нормуҳаммадов япониялик Коҳаку Каназавани 5-4 ҳисобида доғда қолдирди. 65 кг вазнда гиламга чиққан Беҳруз Барноев эса озарбайжонлик Али Ализодадан 9-3 ҳисобида устун келди.