30 окт 18:01
Янгиликлар
Бокс/ММА
Иккита жангда "0" зарба берган Аскрен фаолиятини якунлайди
ONE FC ҳамда Bellator промоушенларининг собиқ чемпиони, ҳозирда UFCда жанг ўтказаётган Бен Аскрен фаолиятини якунлаши мумкин.
Бу ҳақда унинг ўзи ижтимоий тармоқдаги саҳифаларида хабар берди. Аскрен кетма-кет иккита жангда нокаутга учраганидан кейин шундай қарорга келган кўринади.
"Агар яна октагонга чиқаман десам, сизнинг алдаган бўламан. Ҳозир бу ҳақда ўйлаяпман. Якуний қарор қабул қилишим учун менга озгина вақт керак. Ҳафтада камида 30 соат яккакураш билан бандман", - дея Аскреннинг сўзларидан иқтибос келтирмоқда MMA Fighting.
Эслатиб ўтамиз, Бен Аскрен 26 октябрь куни Сингапурда ўтган UFC оқшомининг марказий жангида кутилмаганда Демиан Майига имкониятни бой бериб қўйганди. Шу йилнинг ёзида эса Хорхе Масвидаль жангнинг бешинчи сониясида Аскренни нокаутга учратган эди.
Ҳавола :
Фикрлар