Иккитагина финиш қайд этилган UFC Fight Night 274 турнирининг барча натижалари

Қолган барча жанглар ғолиблари ҳакамларнинг қарорига кўра аниқланди. Хусусан, оқшомнинг асосий жанги ҳисобланган Алжамейн Стерлинг ва Юссеф Залал ўртасидаги тўқнашув ҳам тўлиқ беш раунд давом этиб, якунда тажрибалироқ бўлган собиқ UFC чемпиони Алжамейн Стерлинг ҳакамларнинг якдил қарори (49-45, 49-45, 49-45) эвазига зафар қучди. Жангга қадар Стерлинг бешинчи, Залал эса еттинчи ўринни банд этган. Алжамен ўзининг кетма-кет иккинчи ғалабасини нишонлаш баробарида бешта ғалабали серия билан келаётган Юссефни тўхтатишга муваффақ бўлди. 

UFC Fight Night 274 турнирининг co-main event жангида аёллар ўта енгил вазн тоифаси рейтингида ўн биринчи ўринни эгаллаб турган панамалик Жоселин Эдвардс кичик шов-шув кўтара олди. У учинчи поғонада бораётган бразилиялик Норма Дюмонтни мағлубиятга учратди.  

Турнирдаги иккита муддатидан олдинги ғалабани америкалик оғир вазн тоифаси вакили Райан Спэнн ҳамда ўрта вазн жангчиси Жексон МакВей қўлга киритди. Райан иккинчи раундда бразилиялик Маркус Алмейдани нокаутга учратди. Америкалик МакВей биринчи раундда ватандоши Седрик Дюмани бўғиб қўйди. Седрикни ҳамюртимиз Нурсултон Рўзибоев ҳам техник нокаутга учратган эди. 

UFC Fight Night 274 турнирининг тўлиқ натижалари: 

Асосий кард жанглари

Алжамейн Стерлинг Юссеф Залални очколар ҳисобига кўра таслим этди (49-45, 49-45, 49-45)

Жоселин Эдвардс Норма Дюмонтдан очколар бўйича устун келди (30-27, 29-28, 29-28)

Рафа Гарсия Александр Эрнандесни очколар бўйича ютди (30-27, 29-28, 29-28)

Дэйви Грант Адриан Луна Мартинеттини ҳакамлар қарори билан енгди (29-28, 29-28, 29-28)

Раони Барселос Монтель Жексонни ҳакамларнинг айри қарори эвазига кўра мағлуб этди (28-29, 29-28, 29-28)

Райан Спэнн Маркус Альмейдани нокаут қилди (зарба) – 2-раунд, 2:10

Прелим кард жанглари

Эрик МакКонико Родольфо Виейрадан очколар ҳисоби бўйича устун келди (29-28, 29-28, 29-28)

Жексон МакВей Седрик Дюмани сабмишн эвазига ютди (Брабо бўғиш усули) – 1-раунд, 2:14

Мишель Монтегю Майра Буэно Сильвадан устун келди (30-27, 29-28, 29-28)

Коди Дёрден Жафель Фильони очколар бўйича мағлуб этди (29-28, 30-27, 30-27)

Фрэнсис Маршалл Лукас Бреннанни таслим этди (30-27, 30-27, 30-27)

Виктор Валенсуэла Макс Гриффинни енгди (29-28, 29-28, 29-28)

Талита Аленкар Жулию Поластрини ҳакамлар қарорига кўра мағлубиятга учратди (29-28, 29-28, 29-28)