Икрам Алискеровнинг кейинги рақиби ким бўлиши маълум

Маълум бўлишича, 33 яшар спортчи 21 ноябрь куни Қатарнинг Доҳа шаҳрида ташкил этиладиган UFC Fight Night турнирида иштирок этади. Унга ўша куни америкалик тажрибали Жаред Каннонир рақиб бўлиши кутилмоқда.

Икрам Алискеров учта ғалабали серия билан келмоқда, охирги жангида у Бруно Феррейрани ҳакамларнинг якдил қарори билан мағлуб этганди. Алискеров ҳозирда UFC рейтингида 12-ўринни эгаллаб турибди. У фаолияти давомида 18 та ғалаба ва 2 та мағлубият қайд этган. 

UFC ўрта вазн тоифасида собиқ чемпионлик камари учун даъвогар Жаред охирги бешта жангида бор-йўғи битта ғалабага эришган ва ҳозирда икки мағлубиятли серияда. У Майкл Пейж ва Кристиан Лерой Данканга ҳакамларнинг якдил қарори билан ютқазганди. 42 ёшли Жаред Каннонир ҳисобида эса 18 та ғалаба ва 10 та мағлубият бор.