Илия Топурия: "Бизнинг жангимиз UFC тарихидаги энг каттаси бўлади"

"Бу жуда ҳам қизиқарли тўқнашув, аммо Шон кейинги жангида ғалаба қозонишига катта шубҳам бор. У Мераб билан жанг қилади. Ҳақиқатан ҳам Двалишвили уни шунчаки яксон қилишига ишоняпман.

Агар Шон Мерабни мағлуб эта олса, у ярим енгил вазнда камар учун жанг қилишга муносиб бўлади. Жангчи ўз дивизионида доминантлик қилса, унга навбатдаги дивизионга кўтарилиши учун имконият берилиши керак.

Хозир унинг вазнида чемпионлик учун жанг қилишга лойиқ бўлган даъвогар бор. Ишончим комилки, Мераб уни енгади. Аммо О'Мэлли ўз камарини ҳимоя қила олса, бизнинг жангимиз UFC тарихидаги энг катта жангга айланади. Мадриддаги "Сантьяго Бернабеу" стадионида жанг қилсак, бу жанг янада қизиқарли бўлади", - деди Илия Топурия.