Илия Топурия машғулотларни бошлади

У вақтинчалик чемпионлик унвонига эга бўлган америкалик Жастин Гэтжи билан бирлаштирувчи жанг қилиши мумкин. Бу ҳақда "Эл Матадор" жамоасига яқин бўлган испаниялик спорт шарҳловчиси Альваро Колменеро маълум қилди.

"Илия Топуриянинг жисмоний тайёргарлик бўйича мураббийи, Майамида яшовчи Хесус Гало унинг навбатдаги жангига тўлақонли тайёргарликни бошлаш учун аллақачон Мадридга етиб келган. Барча шахсий муаммолар ўтмишда қолди ва у Мадридда ҳозирданоқ машғулотларни бошлаши мумкин", - деб ёзди мухбир ижтимоий тармоқда.

Шу билан бирга, испания-грузиялик аралаш яккакураш устаси тез орада унинг жанги расман эълон қилинишини билдирди.

"Яқинда катта янгиликлар бўлади", - деб ёзди UFC чемпиони.

Аввалроқ Топурия ва Гэтжининг тўқнашуви 14 июнга белгиланган Оқ уй яқинидаги UFC байрам турнирининг асосий воқеаси бўлиши ҳақида хабар берилган эди. Бироқ кейинчалик бу сценарий баъзи сабабларга кўра, шу жумладан геосиёсий сабабларга кўра эҳтимолдан йироқ деб топилди.

29 ёшли Иля Топурия охирги марта ўтган йилнинг июнь ойида октагонга кўтарилган, ўшанда у енгил вазн тоифасида вакант бўлган UFC чемпионлик камари учун кечган жангда Чарльз Оливейрани биринчи раунддаёқ нокаутга учратганди.