14 апр 17:59
Янгиликлар

Дзюдо

Илк бор ташкил этилган “Judo Clubs” мусобақаси юқори савияда ўтказилди + ФОТОРЕПОРТАЖ

Бухоро туман спорт мактабида юртимизда фаолият юритаётган дзюдо клублари ёш тарбияланувчилари иштирокида "Judo Clubs” мусобақаси бўлиб ўтди.

Унда 2014-2015 ҳамда махсус рухсатнома асосида 2016 йилда таваллуд топган кичик ўсмирлар белгиланган вазн тоифаларида совринли ўринлар учун баҳс олиб борди. Якунда ғолиб ва совриндорлар медаль, диплом ҳамда қимматбаҳо совғалар билан тақдирланди.

“Judo Clubs” мусобақаси истеъдодларни кашф этиб бериши билан аҳамиятли ҳисобланади ва йил давомида ўтказилади. Навбатдаги турнирга Наманган вилояти мезбонлик қилиши кутилмоқда.