19 ноя 16:57
Янгиликлар

Бокс/ММА

Илон Маск Марк Цукербергга қарши жанги нега бекор бўлганига изоҳ берди

Америкалик миллиардер Илон Маск яна бир пулининг ҳисобини билмайдиган тадбиркор Марк Цукербергга қарши амалга ошмай қолган жанги ҳақида гапирди.

Шу йилнинг ёзида бу икки америкалик миллиардернинг октагонда ўзаро жанг ўтказиши кенг муҳокамаларга сабаб бўлганди. Шахсан UFC президенти Дана Уайт ушбу жангни ташкил қилишга уринганди.

"Аввалига мен Лас-Вегасда жанг ўтказиш таклифини бердим. Кейин эса бизга Римдаги Колизей вариантини тавсия этишди. Мен бу таклифга рад жавобини бера олмасдим. Бу тарихий жой. Лекин Цукерберг бунга рози бўлмади. Айнан ўзи розилик бермадими? Ҳа. У менга UFC қоидалари асосида жанг ўтказишим кераклигини айтди. Мен исталган вақтда жанг қилишга тайёрман. Маркни исталган шароит, жойда жанг ўтказишга чақираман", — деди Маск Жо Роганнинг подкастида.