13 фев 09:07
Янгиликлар
Сув спорти турлари
Илья Сибирцев Жаҳон чемпионатида Ўзбекистон рекордини янгилади
Қатар пойтахти Дохада давом этаётган сув спорти турлари бўйича жаҳон чемпионатида кеча сузиш баҳслари бошланди.
Илк кунги баҳсларда Ўзбекистон терма жамоасининг икки нафар аъзоси Элдорбек Усмонов ва Илья Сибирцев иштирок этди.
Элдорбек Усмонов 50 метрга баттерфляй усулида сузиш баҳсида 23.54 сония натижа қайд этган бўлса, Илья Сибирцев 400 метрга эркин усулда сузиш беллашувида 3 дақиқа 50.9 сония натижа қайд этди.
Аҳамиятлиси, Сибирцев ушбу чиқиши орқали Ўзбекистон рекордини янгилади. Бунгача 400 метрга эркин усулда сузиш баҳсидаги энг яхши натижамиз Дмитрий Панковга тегишли бўлган (3:56.48).
Ҳавола :
Манба : aquatics.uz
Фикрлар