Имане Хелиф эркак бўлиб чиқди. Кремлёв яна Томас Бахга "тош отди"

IBA президенти Умар Кремлёв эса бунга муносабат билдирди. 

"Томас Бах тиззалаб ўтириб, ёлғони учун барча боксчилардан узр сўраши керак. Фактлар барчасини гапиряпти: бунгача IBA аёллар ўртасидаги мусобақаларда қатнашган эркак спортчилар ҳақидаги маълумотларни тақдим этганди. Le Correspondant нашри ҳам Хелиф эркак эканлигини тасдиқловчи тиббий ҳисоботни тақдим этди. 

Халқаро жамоатчилик номидан биз ХОҚдан, шу жумладан Томас Бахдан ҳам узр сўрашни талаб қиламиз. У ўз манфаатларини барчасидан устун қўйди. У тиззага чўккалаб, ҳақоратларган қизлар ва бокс жамоатчилигидан кечирим сўраши, медалларни қайтариб бериши ва ёлғон ишлатганини тан олиши лозим", - деб ёзди Кремлёв ижтимоий тармоқдаги саҳифасида.