05 сен 13:35
Янгиликлар

Бокс/ММА

Имавов Шон Стриклендга қарши чемпионлик жангини тасдиқлади

UFC ўрта вазн тоифаси рейтингида учинчи ўринни эгаллаб турган Нассурдин Имавов ўзининг навбатдаги рақиби дивизионнинг амалдаги чемпиони Шон Стрикленд бўлиши ҳақидаги маълумотни тасдиқлади.

"Мен навбатдаги жангим санасини биламан ва бу чемпионлик жанги бўлади", — деди франциялик жангчи Париждаги мухлислар билан учрашувда.

Аввалроқ вазиятдан хабардор манбалар ўрта вазн тоифасидаги чемпионлик жанги режалаштирилаётгани ва у 12 декабрь куни Лас-Вегасда бўлиб ўтадиган UFC 335 турнирининг марказий воқеаси бўлишини хабар қилган эди. Дивизионнинг собиқ чемпиони Хамзат Чимаев ҳам Москвада матбуот билан мулоқот чоғида ушбу инсайдни тасдиқлади.

Шон Стрикленд ва Нассурдин Имавов ўртасидаги жанг реванш характерига эга бўлади — 2023 йил январ ойида америкалик жангчи франциялик рақибини беш раунд якунига кўра ҳакамларнинг якдил қарори билан мағлуб этиб, кетма-кет икки мағлубиятдан сўнг ўз фаолиятини яна муваффақиятли йўлга солиб олган эди.