Индиан-Уэллсдаги «Мастерс» якунида Даниил Медведев Топ-5'га қайтади

Бу Феликс Оже мусобақанинг чорак финалида (4/6, 4/6) Карлос Алькарасга ютқазиб, Медведевдан олдинга ўтиш имкониятини йўқотганидан кейин маълум бўлди.

Шу билан бирга, жаҳоннинг бешинчи ракеткаси, Калифорнияда чемпионлик унвонини ҳимоя қилолмаган Тэйлор Фриц АТР рейтингининг кучли ўнталигини тарк этиши мумкин. Бу, агар Янник Синнер финалга чиқса ёки Фрэнсис Тиафо турнирда ғолиб чиқса содир бўлади. Акс ҳолда, мусобақанинг чорак финалчиси 10-қаторга тушиб қолади.