UZ

Сўнгги янгиликлар

13:13"Нефтчи" – "Ал Ҳилол" учрашувини бошқарадиган ҳакам маълум бўлди 0 12:42Расман: БАА ҳукумати Усман Нурмагомедов иши бўйича ўз қарорини эълон қилди 0 12:11Жаҳон бокси юлдузлари Тошкентда жанг қилади + ПОСТЕР 0 11:40Дана Уайт мағлубияти йўқ гиёҳванд UFC жангчиси ҳақида гапирди 0 11:09Қатардаги йиғинда Шомуродов, Исмоилов ва Неманов қатнашмаяпти 0 10:38Жервонта Дэвис боксга қайтишини эълон қилди, рақиб ҳам маълум + ПОСТЕР 0 10:07Белал Муҳаммад Усманнинг БААда ҳибсга олинишига изоҳ берди 0 09:36Шара Буллет Криштиану Роналду унга берган маслаҳат ҳақида гапирди 0 09:05Бугун Миллий терма жамоамиз Саудия Арабистонига қарши майдонга тушади 0 08:34Хабиб БАА расмийлари билан Усманни озод қилиш бўйича келишувга эришгани айтилмоқда 0 08:03Двалишвили Ахмед Гаджимагомедовдан узр сўради 0 07:32Шарифа Давронова уч хатлаб сакраш бўйича АҚШ рейтингида иккинчи ўринда қайд этилди! 0 07:01Миллатлар лигаси. Германия Нидерландияни "сочиб ташлади", Греция - Сербия ўйини тақдирини битта гол ҳал қилди 0 19:18Таэквондочиларимиз янгиланган Жаҳон рейтингида нечанчи ўринларни эгаллаб туришибди? 0 18:42UFC 337 турнирининг санаси ва ўтказилиш жойи маълум бўлди 0

11 окт 16:20
Янгиликлар

Гимнастика, Олимпия ўйинлари

Индира Ўлмасова: "Навбатдаги мақсадим - Токио 2020 Олимпиадасига лицензия қўлга киритиш"

Хабар бериб ўтганимиздек, Буэнос-Айресдаги ўсмирлар Олимпия ўйинларида гимнастикачимиз Индира Ўлмасова микст баҳсларида бронза медали соҳибасига айланди.

Миллий олимпия қўмитаси Матбуот ва Медиа департаменти ушбу муваффақиятдан сўнг спортчи ва унинг мураббийи билан қисқа суҳбат ташкил этди.

"Микст мусобақалари қуръасидан хурсанд бўлдим. Чунки, Оксана Чусовитина жамоаси сафида иштирок этиш мен учун жуда ёқимли бўлди. Аҳир у афсонавий спортчимиз. Чиқиш давомида албатта қийинчиликлар бўлди. Масалан, мен машқларни йиқилишларсиз ўтказишни мақсад қилгандим. Бу амалга ошди. Ўсмирлар Олимпия ўйинлари мен учун ўзига хос мактаб бўлди. Бошқа спортчиларнинг иштирокини ҳам кузатдим, совриндор бўла олдим. Энди машғулотларни янада кучайтираман. Маҳоратимни тоблаб, Токио 2020 Олимпия ўйинларига лицензия қўлга киритмоқчиман", - деди Ўлмасова.


Ўзбекистонда хизмат кўрсатган мураббий, ўзбек спортига Оксана Чусовитиндек гимнастика афсонасини тайёрлаб берган мутахассис, Аргентинадаги Олимпиадада Индира Ўлмасовага мураббийлик қилаётган Светлана Кузнецова эса шогирди олдига қандай вазифа қўйгани ҳақида гапирди.

"Осиё чемпионатида иштирок этиб, лицензия қўлга киритиш Индира учун ҳақиқий муваффақият бўлганди. Кейин эса у Аргентинадаги мусобақада чиқишни эплай олиш-олмаслиги борасида тортишувлар, баҳс-мунозаралар юзага келди. Индира ўз мақсади сари дадил интилди. Биз мусобақада асосий эътиборни барқарорликка қаратгандик. Мен унинг олдига барча машқларни йиқилишларсиз амалга ошириш вазифасини қўйдим. Тўғри, у хатога йўл қўйди, лекин йиқилиб тушмади. Осиё чемпионатини ҳисобга олмаганда, бу унинг дастлабки йирик халқаро мусобақасидир.

Шуни айтишим мумкинки, Ўлмасова ёш бўлишига қарамай таҳлил қила олади ва янги машқларни бажаришга тайёр. Олдимизга катта мақсадларни қўйганмиз. Мен шундай машғулотлар ўтказишни истайманки, улар Олимпиада чемпионлари бўлишсин.

Микстдаги иштирок ҳақида гапирадиган бўлсам, биз Оксана Чусовитина жамоасига тушиб, медалсиз қайта олмасдик. Аҳир Оксана доимо медаллар қўлга киритади", - деди Светлана Кузнецова.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг