04 ноя 18:23
Янгиликлар

Футбол

Индзаги: "Афсуски, керак пайтда ўйинни "ўлдира" олмадик"

Симоне Индзаги "Венеция" устидан қозонилган кичик ҳисобдаги ғалаба (1:0)га изоҳ берди.

"Биз яратаётган вазиятларимиздан унумлироқ фойдаланишимиз керак. Тўғрисини айтаман, Мхитарян ва Тюрам ўта қулай имкониятларни кўкка совурган бўлса ҳам, жамоани ажойиб биринчи бўлим учун табрикладим. Ўйлашимча, ўша вазиятлардан ҳеч бўлмаса биттасида гол уриб олганимизда, ўйин биз учун анча осон кечарди.

Танаффусдан кейин "Венеция" ўзгаришларни амалга оширди ва биздан фаолроқ ҳаракат қилиб, вазиятлар ярата бошлади. Шундай бўлса ҳам биринчи голни биз урдик, афсус, ундан кейин ўйинни "ўлдира" олмадик – натижа аниқ бўлмаган бу каби ҳолатларда вазият жуда тез ўзгариб кетиши мумкин", – деди "Интер" устози.