Иньеста ЕЧЛ фаворитларини айтди

Унга бу борада савол берилганда афсонавий ўйинчи қўйидагича жавоб қайтарди:

“Чемпионлар Лигаси фаворитлари? Жуда яхши жамоалар иштирок этадиган турнирда нима бўлишини олдиндан айтиш қийин. Мен “Манчестер Сити” ва ПСЖни яна ғалаба қозониш учун яқин келадиган кучли жамоалар, деб биламан. Ажойиб формада бўлган бошқа жамоалар ҳам бор, аммо улар танаффусдан кейин февраль ойида қандай ҳолатда бўлишини билмаймиз. Масалан, “Наполи” гуруҳ босқичини ажойиб ўтказди, кейинчалик нима бўлишини кўрамиз. “Ливерпуль” ва “Реал”да ҳам ҳаммаси жойида.

Ла Лигага келадиган бўлсак, фаворитлар “Барселона” ва “Реал Мадрид” бўлиб қолади. Умид қиламанки, “Барса” ғалаба қозонади, акс ҳолда уларнинг лойиҳасига бўлган ишончга катта зарба бўлади”.

Эслатиб ўтамиз, Европа Чемпионлар Лигаси 1/8 босқичида ПСЖ “Бавария” билан ўйнайди, “Манчестер Сити” эса “РБ Лейпциг” тўсиғидан ўтиши керак бўлади, “Наполи” мусобақани “Айнтрахт”га қарши ўйин билан давом эттирса, “Ливерпуль” - “Реал Мадрид” ўйини мухлисларга яна бир бор ҳаяжонли онларни тақдим қилиши мумкин.