17 апр 16:07
Янгиликлар

Футбол

"Интер Майами" янги бош мураббий тайинлашга шошилмайди

"Интер Майами" эгаларидан бири Дэвид Бекхэм Хавьер Маскеранонинг кетишидан сўнг клуб янги бош мураббий танлашга шошилмаслигини эълон қилди.

"Хавьернинг икки кун олдин кетиши — оғир вазият. У ўтган мавсумда келди ва биринчи чемпионлигимизни тақдим этди. У яхши инсон, ажойиб мураббий, футболчилар уни яхши кўришарди, лекин, албатта, футбол клубларида бундай нарсалар содир бўлиб туради ва биз олдинга қараб интилишимиз керак. Биз янги мураббий топишимиз лозим. Аммо ҳозирча вазият тинчишини кутамиз. Лекин, айтганимдек, жамоага эгалик қилиш ҳар доим қийин", – деди Бекхэм.

"Интер Майами" MLS мунтазам мавсумининг Шарқий конференцияси жадвалида етти ўйиндан сўнг 12 очко билан учинчи ўринда кетмоқда.