22 май 09:29
Янгиликлар

Бокс/ММА

Иқболжон Холдаров иштирокидаги жанг якунланди

Рио Олимпиадаси чемпиони Ҳасанбой Дўсматов ҳамда Иқболжон Холдаровнинг навбатдаги жангларини Мексикада ўтказишлари ҳақида хабар берган эдик.

Бироз аввал Иқболжон иштирокидаги жанг якунига етди. Супер ярим ўрта вазн тоифасида ҳаракат қилаётган Холдаров мексикалик тажрибали рақиби Рамон Барахасга қарши тўлиқ 6 раунд ҳаракат қилди. Якунда ҳакамларнинг якдил қарори билан чарм қўлқоп устамиз ғалаба қозонди.

Маълумот учун, бу Иқболжон Холдаровнинг профессионал боксдаги учинчи жангидаги учинчи ғалабаси бўлди. Бироздан сўнг Ҳасанбой Дўсматов фаолиятидаги бешинчи жангида рингга кўтарилади.