05 янв 11:31
Янгиликлар
Бокс/ММА
Ирландиялик спортчи: "Хабиб, сени Конор машҳур қилди"
Енгил вазн тоифасида Bellator чемпионлиги учун даъвогар ирландиялик Пол Хьюз бўлажак рақиби Усман Нурмагомедов ва унинг амакиваччаси, UFC собиқ чемпиони Хабиб Нурмагомедовни танқид қилди.
"Хабиб, сени Конор машҳур қилди. Доғистон допинг бўйича биринчи ўринда", деб ёзди Хьюз ўзининг Х (собиқ Twitter) саҳифасида.
Хьюз, шунингдек, Усманнинг 2023 йил ноябрь ойида допинг-тестидан ўта олмагани ҳақидаги хабар скриншотини илова қилди, айнан шу сабаб билан Нурмагомедов ўша вақтда олти ойга дисквалификация қилинган эди.
Усман Нурмагомедов ва Пол Хьюз ўртасидаги чемпионлик жанги 25 январь куни Дубайда бўлиб ўтади. Ўша куни ўзбекистонлик аралаш яккакураш устаси Мирафзал Ахтамов Bellator Лигасидаги дебют жангини ўтказади.
Ҳавола :
Манба : championat.com
Фикрлар