25 апр 17:50
Янгиликлар
Бокс/ММА
Ислам Махачев Арман Царукянининг "сирларини" фош қилди
Енгил вазнда UFC чемпиони Ислам Махачев уни кўп бора жангга чорлаган Арман Царукян аслида бир неча бор жанг таклифини рад этганини айтди.
Аввалроқ, Царукянга 2 июнь куни UFC 302 турнири доирасида Ислам Махачев билан жанг қилиш таклифи берилган эди, бироқ Царукян бу жангни рад этган.
"Арман жангни қабул қилмаганига ҳайрон бўлмадим. У бутун умри давомида мен билан реванш жангини ўтказиш ҳақида гапиради. Аниқ эсимда йўқ, лекин мен билан жанг қилиш учун унга учинчи ёки тўртинчи имкониятни беришди, лекин у доимгидек йўқ деди. UFC менга UFC 300 турниридан кейин рақиб берилишини айтди, лекин агар Царукян Оливейрани мағлуб этса, мен билан жанг қилишга рози бўлмаслигини билардим. Шунинг учун мен бундан ҳайрон эмасман", деди Махачев.
Ҳавола :
Манба : olamsport.com
Фикрлар