18 янв 10:57
Янгиликлар

Бокс/ММА

Ислам Махачев Царукянга қарши бекор бўлган жанги ҳақида гапирди

Енгил вазнда амалдаги UFC чемпиони Ислам Махачев эртанги жангдаги Арман Царукяннинг сафдан чиққанига муносабат билдирар экан, Дана Уайтга ҳам мурожаат қилди.

Ислам UFC 311 турнирининг марказий жангида рейтингнинг ўнинчи поғонасидан жой олиб турган бразилиялик Ренато Мойканога қарши октагонга чиқади. Россиялик аралаш яккакураш устаси Лас-Вегасдаги UFC PI зали деворига ёзилган ўзининг сўзларини такрорлади.

"Бу чемпионлик камари ўзида нимани мужассам этган? Титул сен дунёнинг энг яхшисан эканингни англатади. Агар сен энг зўри бўлсанг, кимни рақиб сифатида беришларининг аҳамияти йўқ. Нима дейишим керак? Йўқ? Ҳеч қачон! Келинглар, буни амалга оширамиз!", - деди Махачев ўзининг ижтимоий тармоқдаги саифасида.

"Дана Уайт, энди сен энг яхши P4P жангчиси ким эканини биласан", - дея UFC раҳбарига мурожаатини ҳам қўшимча қилган амалдаги чемпион.