25 апр 15:36
Янгиликлар

Бокс/ММА

Ислам Махачев Гэррига: "Шартнома кутяпман!"

Ярим ўрта вазн тоифасида UFC чемпиони Ислам Махачев яна бир бор унга қарши чиққан дивизионнинг иккинчи рақамли жангчиси Йен Мачадо Гэррининг баёнотига муносабат билдирди.

"Жароҳатларимдан ҳавотир олма. Исталган пайтда тайёрман. Мен шартнома кутяпман", - деб ёзди россиялик жангчи ижтимоий тармоқда ирландияликка мурожаат қилиб.

Аввалроқ UFC раҳбари Дана Уайт Ислам Махачев жорий йилнинг август ойида чемпионлик камарини ҳимоя қилишини ошкор этган эди, бироқ россиялик спортчи июль ойида қайтиши мумкинлигига ишора қилди.

11 июль куни дунёнинг энг кучли лигаси UFC 329 турнирини ўтказади. У ҳар йили ўтказиладиган Халқаро жанглар ҳафталигининг якуний тадбири бўлади ва ҳозирча асосий жангга эга эмас.

Ирландияликдан ташқари, мағлубиятга учрамаган эквадорлик Майкл Моралес, шунингдек, дивизионнинг собиқ чемпиони нигериялик Камару Усман ҳам чемпионлик жангига потенциал номзодлар ҳисобланади.