Ислам Махачев кеча ютқазган Маурисио Руффига маслаҳат берди

Бразилиялик аралаш яккураш устаси тажрибали Бенуа Сен-Денига кутилмаганда имкониятни бой берганди. Франциялик жангчи ўз ватандошлари кўз ўнгида рақибини иккинчи раундда бўғиб қўйди.  

"Ғалаба қозонадими ёки ютқазадими, Руффида грепплинг йўқ. Кўпроқ машғулот қил, камроқ гапир. Муваффақиятнинг калити шу", – дея худди олдиндан билгандек, жангнинг биринчи раундидан кейиноқ ўзининг ижтимоий тармоқдаги саҳифасида мурожаат ёзиб қолдирган Махачев.  

Маурисио Руффи жангдан олдинги интервьюсида партердаги кураш ва назорат орқали рақибларидан устунлик қиладиган жангчилар P4P рейтингида етакчилик қила олмаслигини айтганди. Камига самбони зерикарли спорт тури деганди.

Мағлубиятга учраган 29 ёшли бразилиялик етти ғалабадан иборат сериясини тўхтатди.