Ислам Махачев UFCдаги ҳакамликдан шикоят қилди

"Бу жанг — "ифлос жангчи" таърифининг ёрқин намунасидир. Битта жангда бунчалик кўп қасддан қилинган хатоларни кўрмаганмиз.

1. Клинч ҳолатида бармоқ билан қасддан кўзга зарар етказиш — бу бутун жангга таъсир қилди

2. Тизза билан икки маротаба тақиқланган зарба йўллаш

3. "Стойка" ҳолатида қўлқопларни қайта-қайта ушлаш

4. Грепплинг ҳолатида қўлқопларни ушлаш, бармоқларни рақиб қўлқопига тиқиш — бу тақиқланган.

Лекин мени энг кўп ҳайратга солгани — бу ҳакам бўлди, у жангчига хоҳлаганини қилишига қўйиб берди. Шунга қарамай, Тагирнинг жангидан ва мағлубиятни қандай қабул қилганидан жуда фахрланаман”, - деди Ислам. 

Эслатиб ўтамиз, Тагир Уланбеков ва Тим Эллиот жангида Крис Тойнони ҳакамлик қилди. Жанг 3 раунд давом этди ва унда америкалик жангчи очколар эвазига ғолиб деб топилди.