Ислам Махачев ва Чарльз Оливейра жанг анонсига муносабат билдиришди

Унга кўра, ушбу супертўқнашув 22 октябрь куни БАА пойтахти Абу-Даби шаҳрида ўтказилади. Вакант қолган чемпионлик камари учун кечадиган баҳс UFC 280 турнирининг марказий жангига айланади. Ҳар икки жангчи ҳам бунга ўз муносабатларини билдиришди.  

"Қани кетдик! Мен Ислам Махачев билан 22 октябрь куни Абу-Дабидаги UFC 280 турнирида жанг қиламан! Олға!", - дея ўзининг ижтимоий тармоқдаги саҳифаларида хабар қолдирган бразилиялик жангчи. 

"22 октябрь куни енгил вазн тоифасидаги UFC чемпионлик камарини мен яна Доғистонга қайтараман!", - дея ваъда берган Махачев. 

Эслатиб ўтамиз, шу йилнинг май ойида Чарльз Оливейра биринчи раунднинг ўзида Жастин Гэтжини бўғиш усули билан мағлубиятга учратган бўлса-да, вазн ўлчашдаги меъёридан ортиқча 200 грамм учун камаридан маҳрум қилинганди.