Ислам Махачев ва Хабиб Нурмагомедов Бувайсар Сайтиевнинг вафоти муносабати билан ҳамдардлик билдирди

"Аллоҳ сизни кечирсин, биродар! Сиз бутун дунё бўйлаб миллионлаб болаларни илҳомлантирдингиз, биз сизни соғинамиз. Оила аъзолари ва яқинларига самимий ҳамдардлик билдираман, сизларга сабр тилайман", деб ёзди Хабиб ўзининг ижтимоий тармоқлардаги саҳифасида.

Ислам Махачев эса қуйидагича муносабат билдирди:

"Яна бир давр ўтди, афсона ўтди. Оила аъзолари ва дўстларига ҳамдардлик билдираман, биз сизни соғинамиз".

Бувайсар Сайтиев 11 март куни ўзининг 50 ёшини қаршиларди. Сайтиев Атланта-1996, Афина-2004 ҳамда Пекин-2008 Олимпия ўйинларида чемпион бўлган. Спортчилик фаолиятини 2009 йилда якунлаб, 2016 йилда Госдума депутати этиб сайланганди. Унинг ўпка касаллигидан вафот этгани айтилмоқда. Бувайсарнинг кичик укаси Адам Сайтиев Сидней Олимпиадаси чемпиони бўлган, айни пайтда эса Париж-2024 Олимпиадаси ғолиби Разамбек Жамаловнинг шахсий мураббийи ҳисобланади.