24 фев 13:21
Янгиликлар
Бокс/ММА
Ислам Махачев Волкановски билан жангдаги гонорари ҳақида гапирди
Енгил вазн (70 кг.гача) тоифасида UFC чемпиони Ислам Махачев австралиялик Александр Волкановскига қарши жангдаги гонорари ҳақидаги саволга жавоб берди.
"Кафолатланган гонорарим бир миллион долларга ҳам етмайди. Ҳозир пуллик трансляциялардан келиб тушадиган даромадни ҳисоблашяпти. Билмадим, бу жараён қанча вақтни олар экан? Мен илк бор пуллик PPV жангида октагонга чиқдим. Бу ерда Австралиядаги катта солиқларни ҳам инобатга олиш керак бўлади. Гонораримнинг катта қисмини Яшил қитъада қолдиришга тўғри келади", — дея Махачевнинг сўзларини келтирмоқда "Матч ТВ".
Эслатиб ўтамиз, 12 февраль куни Австралиянинг Перт шаҳрида ўтказилган UFC 284 турнирининг марказий жангида Ислам Махачев рақибини 48-47, 48-47, 49-46 ҳисобларида мағлубиятга учратган эди.
Ҳавола :
Фикрлар