24 янв 10:52
Янгиликлар

Бокс/ММА

Ислам Махачевда яна бир соврин + ФОТО

Енгил вазн тоифасида UFC чемпиони Ислам Махачев промоушен эътирофига сазовор бўлди.

Россиялик аралаш яккакураш устаси UFC томонидан "Йил усули" номинациясида ғолиб деб топилди. Исламнинг ўтган йили 1 июнь куни Нью-Жерсида ўтган UFC 302 турнири доирасида америкалик Дастин Порьени бўғиб қўйгани 2024 йилнинг "Энг яхши усули" деб топилган.

"Бу фаолиятимдаги энг яхши жанг ва мен қўллаган усулларимдан бири эди. Ўта қийин жангдаги чиройли финиш учун UFC менга ушбу мукофотни тақдим этди. Бундан жуда хурсандман. Октагонда ўша куни жуда кўп қон тўкилди, очиғи ақлдан оздирадиган ҳолатдаги жанг бўлганди. Менда "Йил жанги", иккита "Йил усули" мукофотлари бор. Энди менга "Йил нокаути" керак", — дея Махачевнинг сўзларини келтиради UFC матбуот хизмати.