Ислам Махачевнинг рақиблари иккитагача қисқарди

Исламнинг навбатдаги жанги Чарльз Оливейра ёки Жастин Гэтжига қарши ўтказилади. Бу ҳақда Махачевнинг менежери Ризван Магомедов хабар берди. Икки жангчи UFC рейтингида мос равишда биринчи ва иккинчи ўринларни эгаллаб турибди.

"Рақиб Жастин Гэтжи ёки Чарльз Оливейра бўлади. Шахсан менга менежер ва мухлис сифатида Гэтжи билан жанг қизиқроқ бўлар эди. Кенг оммага ҳам бу жанг қизиқарли бўлиши аниқ. Боиси, янги босқич ва янги чақириқ. Оливейрага қарши жанг биринчи томонлама бўлди ва буни ҳамма кўрди. Чарльз такрорий жангда ҳам Ислам учун муаммо туғдирмаса керак. Гэтжи билан жангда битта бўлса ҳам янгилик кўрамиз", - деди Магомедов.

Шу тариқа, яримўрта вазнда амалдаги UFC чемпиони Леон Эдвардс Исламнинг эҳтимолий рақиблари рўйхатидан чиқди. Британиялик чемпион UFC 300 турнирида Белал Муҳаммаддан камарини ҳимоя қилади. Шунингдек, енгил вазн рейтингининг тўртинчи поғонасидан жой олган Арман Царукян ҳам сафдан чиқди. Арман катта эҳтимол билан кучли учликдаги жангчиларнинг бирига қарши октагонга кўтарилади.