"Ислам мотивацияни йўқотишдан қўрқарди" - Махачевнинг менежери

"Бу қарор унга умуман оғир бўлгани йўқ, чунки Ислам бу ҳақида анча вақтдан бери ўйлаб келарди. У ўзи шу вазн тоифасига ўтишни хоҳлаганди. У менга камарни ҳимоя қилишдан мотивация йўқолиб бораётганини айтган, ҳар сафар бу одатий ишга айланиб бораётганини ҳис қилган. Балки шу сабабдан у мотивацияни бутунлай йўқотиб қўйишдан ва навбатдаги ҳимояга етарлича тайёрланмасликдан қўрққандир.

Ҳозир у шахсий суҳбатимизда бутунлай бошқача кайфиятда эканини айтди. Унда яна илк чемпионлик жангидан олдин бўлган ўша олов пайдо бўлган. Бу қарорни у ўз хоҳиши билан қабул қилди. Фақатгина унинг йўлини Билол Муҳаммад тўсиб турганди — кўп сабабларга кўра у билан жанг қилмоқчи эмасди. Аммо натижада барчаси шундай бўлди ва ўтиш имкони пайдо бўлди", — деди Магомедов.