Ислом бирдамлиги ўйинларида медаллар жамғариш бўйича нечанчи ўриндамиз?

Кечаги кунги баҳслардан сўнг Ўзбекистон терма жамоаси 2 та олтин, 2 та кумуш, 3 та бронза, жами 7 та медаль билан 56 давлат орасида умумжамоа ҳисобида 3-ўринни эгаллаб турибмиз. Кечаги беллашувларда пара сузувчимиз Азизбек Бойназаров 100 метр масофага ўтказилган баттерфляй баҳсида терма жамоамизга иккинчи олтин медални тақдим этди. Ушбу финалда иштирок этган Султонбек Нуриддинов эса бронза медалига сазовор бўлди. 

Медаллари жамғариш бўйича Туркия терма жамоаси пешқадамликни ўз қўлига олди. Кеча мезбонлар пара сузиш баҳсларидаги олтин медаллар эвазига биринчи ўринга кўтарилиб олишди. Туркия ҳисобида 3 та олтин, 2 та кумуш, 2 та бронза медали бор. Қозоғистон спортчилари 3 та олтин, 1 та кумуш, 3 та бронза медали билан иккинчи ўринни банд этишган. БАА 2 та олтин ва 1 та бронза медали билан 4-ўринни банд этган бўлса, Эрон терма жамоаси 1 та олтин, 4 та кумуш медали билан кучли бешликка якун ясаган. 

Шунингдек, Малайзия (1 та кумуш), Уганда (1 та кумуш) ва Саудия Арабистони (1 та бронза) делегациялари ҳам V Ислом бирдамлиги ўйинларининг битта медалини қўлга киритган.