16 май 08:07
Янгиликлар
Бокс/ММА, Гимнастика, Теннис, Енгил атлетика, Таэквондо, Каратэ
“Ислом бирдамлик ўйинлари”. 30та медал билан ҳамон 3-ўриндамиз!
Шу кунларда Озарбайжон пойтахти Боку шаҳрида “Ислом бирдамлик ўйинлари” бўлиб ўтмоқда.
Кеча мусобақанинг навбатдаги куни спортчиларимиз жами 9та медал қўлга киритишди. Олтин медалларимиз сони 6тага етди. Ҳисобимизда 6та кумуш, 18та бронза, жами 30та медал бор. Терма жамоамизга кечаги кун баҳсларида ягона олтин медални Оксана Чусовитина тақдим этди.
Бу билан медаллар жамғариш бўйича умумжамоа ҳисобида ҳамон 3-ўринни эгаллаб турибмиз. 35та олтин, 31та кумуш, 26та бронза, жами 92та медални қўлга киритган Туркия терма жамоаси 1-ўринга кўтарилиб олди.
Шу кунгача пешқадамлик қилиб келган Озарбайжон терма жамоаси иккинчи ўринга пастлади. Мезбонлар ҳисобида 33та олтин медал бор. Кумуш медаллар сони 23, бронза эса 12тани ташкил қилмоқда.
Ҳавола :
Манба : olamsport.com
Фикрлар