“Ислом бирдамлик ўйинлари”. 34та медал билан 4-ўриндамиз!

Бугун мусобақанинг навбатдаги куни спортчиларимиз 4та медални қўлга киритишди. Олтин медалларимиз сони 7тага етди. Ҳисобимизда 9та кумуш, 18та бронза, жами 34та медал бор.

Бу билан медаллар жамғариш бўйича умумжамоа ҳисобида 4-ўринни эгаллаб турибмиз. Бугун ҳисобидан терма жамоамизга ягона олтин медални таэквондочимиз Ниёз Пўлатов тақдим этди. 

43та олтин, 40та кумуш, 32та бронза, жами 115та медални қўлга киритган Туркия терма жамоаси ҳамон 1-ўринни банд этган. Озарбайжон терма жамоаси иккинчи ўринда боряпти. Мезбонлар ҳисобида 41та олтин медал бор. Кумуш медаллар сони 24, бронза эса 16тани ташкил қилмоқда.

Умуман олганда, шу кунгача 18та давлат терма жамоалари камида битта олтин медални қўлга киритишга муваффақ бўлишди. 54та иштирокчи давлат жамоаларидан 28таси камида битта бронза медалига эгалик қиляпти.