18 май 07:50
Янгиликлар
“Ислом бирдамлик ўйинлари”. 43та медал билан 4-ўриндамиз!
Кеча мусобақанинг навбатдаги куни спортчиларимиз 9та медални қўлга киритишди. Олтин медалларимиз сони 8тага етди. Оғир атлетикачимиз Рустам Жангабаев терма жамоамизга кечаги баҳслардаги ягона олтин медални тақдим этди.
Шунингдек, ҳисобимизда 12та кумуш, 23та бронза, жами 43та медал бор. Бу билан медаллар жамғариш бўйича умумжамоа ҳисобида 4-ўринни эгаллаб турибмиз.
54 та олтин, 45 та кумуш, 38 та бронза, жами 137 та медални қўлга киритган Туркия терма жамоаси ҳамон 1-ўринни банд этган.
Озарбайжон терма жамоаси иккинчи ўринда боряпти. Мезбонлар ҳисобида 50 та олтин медал бор. Кумуш медаллар сони 29, бронза эса 20 тани ташкил қилмоқда. Уларнинг умумий медаллари сони бир кам 100 тага етди.
Умуман олганда, шу кунгача 21 та давлат терма жамоалари камида битта олтин медални қўлга киритишга муваффақ бўлишди. 54та иштирокчи давлат жамоаларидан 33таси камида битта бронза медалига эгалик қиляпти.
Фикрлар