“Ислом бирдамлик ўйинлари”. 44та медал билан 4-ўриндамиз, олтинларимиз 9тага етди

Бугун мусобақанинг навбатдаги куни спортчиларимиз яхши старт олишди. Пара-атлетиканинг найза улоқтириш баҳсларида иштирок этган ҳамюртимиз Александр Свечников терма жамоамизга тўққизинчи олтин медални тақдим этди.

Кеча ягона олтин медални оғир атлетикачимиз Рустам Жангабаев қўлга киритганди. Ҳозирча ҳисобимизда 12та кумуш, 23та бронза, жами 44та медал бор. Бу билан медаллар жамғариш бўйича умумжамоа ҳисобида ҳамон 4-ўринни эгаллаб турибмиз.

55 та олтин, 46 та кумуш, 39 та бронза, жами 140 та медални қўлга киритган Туркия терма жамоаси ҳамон 1-ўринни банд этган. Озарбайжон терма жамоаси иккинчи ўринда боряпти. Мезбонлар ҳисобида 50 та олтин медал бор. Кумуш медаллар сони 29, бронза эса 20 тани ташкил қилмоқда.

Умуман олганда, айни дақиқаларгача 20 та давлат терма жамоалари камида битта олтин медални қўлга киритишга муваффақ бўлишди. 54та иштирокчи давлат жамоаларидан 33таси камида битта бронза медалига эгалик қиляпти.