“Ислом бирдамлик ўйинлари”. Бугун рингга чиқувчи боксчиларимиз

Ўз тарихида тўртинчи бор ўтказилаётган нуфузли мусобақада Ўзбекистон спорт делегеацияси илк маротаба иштирок этяпти. IV “Ислом бирдамлик ўйинлари”да 57 та давлатдан 3500 дан зиёд спортчилар жам бўлган.

Бугун медаллар жамғаришда асосий умидимиз бўлган боксчиларимиз ўз жангларини ўтказишади. 75 кг вазн тоифасидаги чарм қўлқоп устамиз Маҳмуд Ғоипов жазоирлик Аззоуз Боудиага қарши рингга кўтарилади.

56 кг вазн тоифасидаги терма жамоамиз аъзоси Абдулхай Шораҳматов анчагина жиддий рақиб қозоғистонлик Нурбол Калжанов билан тўқнаш келади. 81 кг вазндаги Мадияр Саидраҳимов эса мисрлик Абдулраҳмон Абделгаввад билан ҳисоб-китоб қилади.