13 май 12:05
Янгиликлар
Гандбол
“Ислом бирдамлик ўйинлари”. Гандболчиларимиз финалга чиқа олишмади
Озарбайжон пойтахти Боку шаҳрида IV “Ислом бирдамлик ўйинлари” мусобақаси бўлиб ўтмоқда.
Мусобақанинг гандбол баҳсларида иштирок этаётган Ўзбекистон аёллар терма жамоаси бундан бир неча дақиқа аввал ярим финал учрашувида озарбайжонлик дугоналарига қарши майдонга тушди.
Афсуски, бу сафар ҳам қизларимиз рақибларига 24:42 ҳисобида имкониятни бой бериб қўйишди. Иккинчи ярим финал учрашувида Туркия ва Камерун терма жамоалари ўзаро муносабатларига ойдинлик киритишяпти.
Эътиборлиси, қўл тўпи терма жамоамиз “Sarhadchi Arena”да ўтаётган мусобақанинг гуруҳ босқич барча учрашувларида мағлубият аламини тотиб кўрганди.
Ярим финал. “Sarhadchi Arena”
Озарбайжон – Ўзбекистон - 42:24
Ҳавола :
Манба : olamsport.com
Фикрлар