“Ислом бирдамлик ўйинлари”. Матниёзова олтин учун татамига чиқади

Бугун мусобақанинг дзюдо баҳсларида навбатдаги медаллар жамланмаси ўз эгаларига топширилади. Бугун аёллар -70, -78 ҳамда +78 кг вазн тоифаларида татамига чиқишяпти. Улар орасида ўзбекистонлик дзюдочилар ҳам бор.

‑70 кг вазндаги дзюдочимиз Гулноза Матниёзова бир неча дақиқа аввал ярим финал учрашувида зафар қучди. У туркманистонлик Мария Лоховани мағлубиятга учратди. Унинг финалдаги рақибаси туркиялик Шукран Бакачак бўлади.

Эътиборлиси, бу вазн тоифасида бор йўғи 4 нафар дзюдочи иштирок этяпти. Ҳар қандай ҳолатда ҳам улардан 3 нафари медалга эга бўлади. Гулноза ҳам камида кумуш медални нақд қилди.