19 авг 02:02
Янгиликлар

Бокс/ММА

Ислом Болтаев озарбайжонлик рақибини ўз юртида енгиб, Octagon лигаси Interim чемпионига айланди!

Озарбайжоннинг Боку шаҳрида Octagon 48 мусобақаси бўлиб ўтди.

Ҳозиргина мусобақанинг марказий жанги якунланди. Унда ўрта вазн тоифасида ўзбекистонлик Ислом Болтаев (4-2) озарбайжонлик Гундуз Набиев (6-5) билан тўқнаш келди. Ўрта вазн тоифасида вақтинчалик чемпионлик камари учун кечган 5 раундлик жанг 4-раундда якунланди. Қувонарлиси, унда Ислом Болтаев рақибини нокаут орқали мағлуб этиб, вакант бўлиб турган Interim камарини қўлга киритди.

Ислом Болтаев бундан олдинги жангида ҳам Гундуз Набиевни муддатидан олдин мағлуб этган эди.