06 июл 20:56
Янгиликлар

Спорт курашлари

Исломжон Раҳматов Осиё чемпионати совриндори

Теглар : Осиё чемпионати Юнон-рум кураши

Баҳрайнда ўсмирлар (U15) ва ёшлар (U20) ўртасидаги Осиё чемпионати давом этмоқда.

Ҳозиргина 97 кг вазн тоифасидаги юнон-рум курашчимиз Осиё чемпионатининг бронза медали учун кечган беллашувни муддатидан аввал ўз фойдасига ҳал қилди. Исломжон Раҳматов Жанубий Корея вакили Ким Жу Ванни 12-3 ҳисобида доғда қолдириб, Осиё чемпионати совриндорига айланди.

Бронза медали учун гиламга чиққан қолган икки курашчимиз Илёсжон Абдиназаров ва Дилшод Мамадаминов рақиларига имкониятни бой бериб, 5-ўрин билан кифояланишди.

Шу тариқа, Ўзбекистон U20 юнон-рум кураши терма жамоаси Осиё чемпионатини 1 та олтин, 2 та кумуш, 2 та бронза медали билан якунлади.