22 ноя 10:10
Янгиликлар
Теннис
Исмоилов “Астана Челленжер”идаги иштирокини ғалаба билан бошлади
Қозоғистоннинг Астана шаҳрида теннис бўйича соврин жамғармаси 50 минг АҚШ долларини ташкил қилувчи “Челленжер” туркумидаги турнир давом этмоқда.
Astana Challenger “Capital Cup” турнирининг асосий тўр баҳсларида бир йўла тўрт нафар теннисчимиз ўз имкониятини синовдан ўтказяпти. Улардан биринчи бўлиб Темур Исмоилов кортга чиқди.
Ҳамюртимиз қозоғистонлик Тимур Хабибулинни 6:2, 6:3 ҳисобида мағлуб этиб, иккинчи даврага йўл олди. Бугун мамлакатимизнинг биринчи ракеткаси Денис Истомин ҳам ўз учрашувини ўтказади.
Мусобақада иккинчи рақам остида ҳаракат қиладиган Дениснинг рақиби чехиялик Робин Штанек бўлади. Истомин жуфтлик баҳсларида россиялик Михаил Елгин билан тандем ҳосил қилган.
Истеъдодли теннисчимиз Жўрабек Каримов асосий тўр баҳсларига имтиёзли йўлланма асосида қўйилган бўлиб, бугун биринчи босқичда германиялик Даниэль Масурга қарши баҳс олиб боради.
Ҳавола :
Манба : olamsport.com
Фикрлар